شہ زور نقاب پوش / The Phantom
ایک ایسا خوبصورت تصوراتی کردار ہے جو نہ صرف بچوں کے دل کو لبھاتا ہے بلکہ اس نے بڑوں اور بوڑھوں کے دل میں بھی اپنی خاص جگہ بنا رکھی ہے۔ یہ ایک ایسا منفرد کردار ہے جو جنگل کا باشندہ ہے اور برائی و بدی کے خلاف لڑنے کے لیے ہر وقت تیار رہتا ہے۔
چست لباس اور نقاب میں ملبوس شہ زور بجلی کی سی رفتار رکھتا ہے۔ وہ جنگل کے کسی بھی کونے یا مقام پر ہو ، دوسروں کی مدد کے لیے فوراً پہنچ جاتا ہے۔ اسے بلانے کے لیے جنگل کے باشندے ڈھول پیٹتے ہیں اور اسی ڈھول کی آواز سے شہ زور تک یہ پیغام پہنچ جاتا ہے کہ کوئی اسے مشکل وقت میں مدد کے لیے بلا رہا ہے۔
جامنی رنگ کے منفرد لباس میں ملبوس ، کالے رنگ کا خاص قسم کا ماسک [mask] ، کمر پر بندھی ہوئیں دو پستولیں اور اس کے ساتھ ہی اس کا وفادار کتا "شیرا" اور تیز رفتار و صحت مند گھوڑا "طوفان" ۔۔۔ جنگل میں گویا کمانڈر کی حیثیت کا حامل ہے شہ زور۔
کہا جاتا ہے کہ دنیا بھر میں "شہ زور نقاب پوش" کے پرستاروں کی تعداد دس کروڑ سے بھی زیادہ ہے۔ اس کے خصوصی لباس کو نہایت ہی زیادہ مقبولیت حاصل ہوئی ہے۔ 2009ء میں شائع ہونے والی شہ زور کی ایک کہانی میں اسے دہشت گردی کے خلاف لڑتے ہوئے دکھایا گیا ہے ۔۔۔ یعنی کہ اب شہ زور نقاب پوش ، بدی و برائی کے خاتمے کے لیے جنگلات کی دنیا سے باہر نکل کے آیا ہے۔
تحریر بشکریہ : مدیحہ مشتاق
مفید تعارفی روابط :
اردو زبان کی ترویج و اشاعت کے بارے میں بہت بلند بانگ دعوے کئے جاتے ہیں۔ لیکن جب عملی اقدامات کی بات آتی ہے تو فکر و نظر محض ادبی و تفریحی پروگرامس تک محدود ہو کر رہ جاتی ہے۔ بچوں کے ادب کے بارے میں تو عملی اقدامات شاذ و نادر ہی ملیں گے۔
کوئی تبصرے نہیں:
ایک تبصرہ شائع کریں