سپریمو / Supremo
"سپریمو کے کارنامے" کے زیرعنوان بچوں کے لیے ماہانہ ایک کامک شائع کی گئی جس کی اسکرپٹ مشہور شاعر گلزار تحریر کیا کرتے تھے۔ کوئی 24 کامکس کی اشاعت کے بعد کامک کہانیوں کا یہ سلسلہ مسدود ہو گیا۔ اس مختصر مدت کے باوجود "سپریمو" کا کامک کردار اس دور کے بچوں میں کافی مقبول ہوا اور اس کردار کو نمایاں پذیرائی ملی تھی۔ امیتابھ بچن کی تصدیق کے بعد ہی کامک کی اشاعت عمل میں آتی تھی اور اندرون صفحہ اول پر ان کی دستخط کے ساتھ قاری کے نام ایک مختصر پیغام بھی شائع کیا جاتا تھا۔ ان کی خواہش کے مطابق ہسپتال ، یتیم خانے اور رفاہی اداروں میں مقیم بچوں کے لیے یہ کامکس مفت فراہم کی جاتی تھیں۔
بچن ایک معروف فلمی اداکار ہے ، لیکن جہاں کہیں مصیبت پیش آتی ہے تو وہ اپنی بعض محیر العقل قوتوں اور حاضر دماغی کے ساتھ "سپریمو" کے بھیس میں مدد کے لیے موقع واردات پر پہنچ جاتا ہے۔ وجئے اور اقبال نامی دو لڑکے اکثر و بیشتر مواقع پر سپریمو کی مدد کے لیے ساتھ رہتے ہیں۔ شاہین نامی باز اور سونالی نامی ڈالفن بھی سپریمو کی مہمات میں اس کے سنگ موجود ہوتی ہیں۔
مفید تعارفی روابط :
اردو زبان کی ترویج و اشاعت کے بارے میں بہت بلند بانگ دعوے کئے جاتے ہیں۔ لیکن جب عملی اقدامات کی بات آتی ہے تو فکر و نظر محض ادبی و تفریحی پروگرامس تک محدود ہو کر رہ جاتی ہے۔ بچوں کے ادب کے بارے میں تو عملی اقدامات شاذ و نادر ہی ملیں گے۔
کوئی تبصرے نہیں:
ایک تبصرہ شائع کریں