پنکی - نئی ٹوپی - Urdu Kidz Cartoon | Education website | Cartoon Comics stories in Urdu | www.urdukidzcartoon.com

2012-10-14

پنکی - نئی ٹوپی

پنکی بی بی اپنے ہمسائے شیدی کاکا کے لیے بطور تحفہ ایک ٹوپی لے آئی ہیں۔ ان کا کہنا ہے کہ شیدی کاکا کو اب اپنی پرانی بوسیدہ ٹوپی کے بجائے نئی ٹوپی پہننا چاہیے۔ مگر شیدی کاکا کو یہ ٹوپی بڑی ہی مہنگی لگی۔ وہ کیسے؟ آپ خود پڑھ کے دیکھئے ۔۔۔
(01)
(02)
(03)
(04)

ٹرانسکرپٹ || ترجمہ : مکرم نیاز
آپ اس ٹوپی کو آخر کہاں کہاں سئیں گے؟ یہ کافی پرانی ہو چکی ، اسے پھینک کر کوئی نئی خرید لیجیے
اری او اللہ کی بندی! ہمیشہ خرچہ کروانے کی باتیں مت کرو۔ نئی ٹوپی پچاس روپے سے کم نہیں جبکہ میں اسی پرانی کو چند ٹانکے لگا کر ایک آدھ سال اور چلا لوں گا
ارے باپ رے ۔۔ پنکی! یہ مصیبت کہاں سے ٹپکی؟
بتائیں تو بھلا ۔۔ میرے ہاتھ میں کیا ہے؟
مینڈک یا جھینگر ۔۔ جس سے اب مجھے پریشان کیا جائے گا
بالکل نہیں! میں تو آپ کے لیے نئی ٹوپی لائی ہوں۔ آپ کی پرانی بوسیدہ ٹوپی مجھے اچھی نہیں لگتی ۔۔
یہ ۔۔ یہ کتنے کی ہے؟
مفت !!
جھوٹ ! مفت میں تو آجکل مشورے بھی نہیں ملتے ۔۔
میں سچ کہہ رہی ہوں کاکا۔ میرے چاچا یہ ٹوپی شکاگو سے لائے ہیں
تب تو پھر آپ اس کے بدلے میں مجھ سے کوئی کام نکلواؤ گی ۔۔ ہے ناں؟
بالکل نہیں !
اچھا بہت خوب! تو پھر شکریے کے ساتھ ٹوپی قبول کر لیتا ہوں
اللہ کی بندی! یہ ٹوپی میرے سر پر کیسے لگتی ہے؟
جیسے کوے نے مور کی کلغی لگا لی ہو ۔۔۔
کیوں کیا میں اتنا بدشکل ہوں کہ ہیٹ نہیں پہن سکتا؟
نہیں جی ، یہ بات نہیں۔ بھلا کرتا پائجامہ پر بھی کسی نے کبھی ہیٹ لگائی ہے؟
ایک نیا کوٹ خرید لیجیے آپ۔ اس پر یہ ہیٹ خوب جچے گا
نئے کوٹ پینٹ کے ساتھ یہ ٹوٹی چپل نہیں چلے گی۔ ایک جوڑی نئے جوتے اور نکٹائی بھی خرید لیجیے کاکا
تب تو پھر میں بھی بیوٹی پارلر سے اپنے بال سیٹ کروا لیتی ہوں اور فیس لفٹ بھی!
دو چار نئی ساڑیاں اور کچھ جدید امیٹیشن جویلری بھی خریدنا پڑے گا
اپ ٹو ڈیٹ شوہر اور بیوی پیدل چلتے بالکل اچھے نہیں لگتے کاکا۔ آپ ایک کار بھی خرید لیجیے
لیکن مجھے تو کار ڈرائیونگ نہیں آتی
کوئی بات نہیں ، ہم ایک ڈرائیور کو رکھ لیں گے ۔۔ صرف دو ہزار روپے ماہانہ اسے دینا پڑے گا
لیکن ۔۔ کار رکھیں گے کہاں؟ ہمارا اتنا چھوٹا مکان ۔۔۔
ارے آپ آگے کا بھی سوچئے۔ کار لینے کے بعد اس جھونپڑی میں کون رہے گا ۔۔ ہم ایک نیا بنگلہ بھی خرید لیں گے جہاں کار کے لیے علیحدہ گیرج ہوگا
پنکی بٹیا ! یہ لو تمہاری نئی ٹوپی۔ یہ بڑی مہنگی ہے! مجھے اپنی پھٹی پرانی ٹوپی ہی کافی ہے، شکریہ !
www.urdukidzcartoon.com - Urdu Kidz Cartoon comics website, educating urdu speaking kids / youngsters thru cartoon / comics strips and stories dubbed in urdu language.
Story-Subject : New Cap (Nayi Topi)
Character : Pinki

کوئی تبصرے نہیں:

ایک تبصرہ شائع کریں