فولادی / Fauladi
عرف فولاد ایک دلیر نوجوان ہے جس نے اپنے دوست لمبو اور مشہور سائنسداں ڈاکٹر جان کے ساتھ مل کرنہ صرف خلا میں بلکہ دوسرے سیاروں پر بھی لا تعداد معرکے سر کئے ہیں۔
زمین پر بیرونی اور دور دراز سیارچوں سے آنے والی تمام جنگجو مخلوقات ، ان کے تخریبانہ عزائم اور خونریز فضائی حملوں کی صورت حال میں فولاد ہمیشہ سینہ سپر رہتا ہے۔ لمبو ایک دراز قد نوجوان تھا جس نے ایک دفعہ غلطى سے ڈاکٹر جان کے لیب میں ایک محلول کو شربت سمجھ کر پی لیا تھا اور اسکے بعد سے اسکا قد چھوٹا ہوکر صرف نو انچ رہ گیا-
گو کہ ڈاکٹر جان نے اس کے مضر اثرات کا توڑ تیار کر لیا تھا مگر لمبو نے طے کیا کہ چھوٹا قد اس کے لئے زیادہ بہتر ہے کیونکہ اس کی وجہ سے وہ دشمنوں کی نظر سے محفوظ رہ پاتا ہے اور حریف کے چنگل سے بھی با آسانی نکل سکتا ہے۔
ڈاکٹر جان کا لیب ایک جزیرہ پر واقع ہے جہاں ان کے روبوٹس کی ایک فوج موجود ہے جو ان کی عدم موجودگی میں بھی کسی فضائی ہنگامے کا مقابلہ کر سکتی ہے۔
تحریر بشکریہ : شمس عدنان علوی
مفید تعارفی روابط :
اردو زبان کی ترویج و اشاعت کے بارے میں بہت بلند بانگ دعوے کئے جاتے ہیں۔ لیکن جب عملی اقدامات کی بات آتی ہے تو فکر و نظر محض ادبی و تفریحی پروگرامس تک محدود ہو کر رہ جاتی ہے۔ بچوں کے ادب کے بارے میں تو عملی اقدامات شاذ و نادر ہی ملیں گے۔
کوئی تبصرے نہیں:
ایک تبصرہ شائع کریں