سپریمو - جہاز کا اغوا - قسط:1 - Urdu Kidz Cartoon | Education website | Cartoon Comics stories in Urdu | www.urdukidzcartoon.com

2012-10-10

سپریمو - جہاز کا اغوا - قسط:1

supremo-plane-hijack
پردۂ سیمیں کے ایک اداکار امیتابھ بچن [Amitabh Bachchan] بین الاقوامی سطح پر مشہور ہیں۔ کئی سال پہلے ان کی شخصیت کو مدنظر رکھ کر ان کے لیے ایک کامک کردار "سپریمو [Supremo]" تخلیق کیا گیا تھا اور انڈیا بک ہاؤس نے ہندی اور انگریزی میں Supremo سیریز کی بہت ساری کامک کہانیاں پیش کی تھیں۔ ان میں سے شاید کسی بھی کہانی کا کہیں بھی اردو ترجمہ نہیں ہوا۔ اب آپ اپنی اس ویب سائیٹ پر پہلی مرتبہ "سپریمو" کی دلچسپ اور عجیب و غریب مہماتی کہانیاں پڑھ سکیں گے۔

لیجیے اس سیریز کی پہلی کہانی بعنوان "جہاز کا اغوا" پیش خدمت ہے ۔۔۔ اس کہانی میں اداکار بچن سے ملاقات کے بعد ، دنیا کے مختلف ممالک کے بچوں کا گروپ جب ہوائی جہاز کے ذریعے واپس روانہ ہونے لگتا ہے تب اس جہاز کو چند دہشت گرد اغوا کر لیتے ہیں۔ اداکار بچن "سپریمو" کے بھیس میں وارد ہو کر کس طرح اغوا کنندگان سے نبردآزما ہوتے ہوئے تمام بچوں کو رہا کرواتا ہے ۔۔۔ 10 قسطوں پر مشتمل اس کہانی میں یہ آپ خود پڑھئے ۔۔۔۔

Go to Episode#
(1)
(2)
(3)
(4)

ٹرانسکرپٹ || ترجمہ : مکرم نیاز
اداکار بچن جب اپنے میک اپ روم میں آرام کر رہے تھے ، تبھی ۔۔
کھٹ کھٹ
آ جائیں اندر
دخل اندازی کے لیے معذرت چاہتا ہوں جناب!
کوئی بات نہیں۔ اندر تشریف لائیں ۔۔
یہ بچے دنیا کے مختلف ممالک سے تشریف لائے ہیں ۔۔ بچوں کی فلاح و بہبود کے ایک ادارے کی جانب سے ہمارے ملک میں قائم مشہور ڈزنی لینڈ کے سیر کی انہیں دعوت دی گئی ہے
ہاں ، میں نے اس ادارے کے پروگرام کے متعلق سنا تھا
آداب دوستو! آپ کا کیا نام ہے؟
یہ لڑکا ہمارے ملک کا اور لڑکی پڑوسی ملک کی ہے، یہ اپنے اپنے ملک سے باہر مقیم ہیں۔ یہ دونوں آپ کے بہت بڑے شیدائی ہیں ۔۔
دلیپ !
اور آپ کا؟
مریم !
خوبصورت نام ہیں!
ہم نے وہ فلم دیکھی ہے جس میں ایک شیر کو آپ نے ہرایا تھا
آپ بالکل ویسے ہی اسمارٹ نظر آتے ہیں
نہیں! آپ پردہ پر جتنے اچھے لگتے ہیں ، اس سے کہیں زیادہ حقیقت میں وجیہہ ہیں
جی ہاں
شکریہ شکریہ ۔۔ دلیپ اور مریم ، کیا یہ سب آپ کے دوست ہیں؟
دلیپ نے ہم کو بتایا ہے کہ آپ دنیا کے تمام برے لوگوں کو ختم کرتے ہیں ۔۔
یہ بچے سمجھتے ہیں کہ آپ جس طرح فلموں میں برائی کا خاتمہ کرتے ہیں ، حقیقی زندگی میں بھی ویسے ہی نڈر اور دلیر ہیں ۔۔
ہممم ۔۔۔
سر ، کیا ہمیں آپ کا آٹوگراف مل سکتا ہے؟
کیوں نہیں؟ یقیناً !
میں سبھی کو اپنا آٹوگراف دوں گا ، اپنے اپنے نام بتاتے جائیں ۔۔
www.urdukidzcartoon.com - Urdu Kidz Cartoon comics website, educating urdu speaking kids / youngsters thru cartoon / comics strips and stories dubbed in urdu language.
Story-Subject : Hijack of the plane (Jahaaz ka aghwa) : Episode-1
Character : Supremo (Amitabh Bachchan)

1 تبصرہ:

  1. اگر آپ ٹرانسکرپٹ کو تصویریں شروع ہونے سے پہلے دیدیا کریں تو کتنا اچھا ہو۔

    جواب دیںحذف کریں