فولادی - کارکولہ کا سازشی جال - قسط:1 - Urdu Kidz Cartoon | Education website | Cartoon Comics stories in Urdu | www.urdukidzcartoon.com

2012-09-25

فولادی - کارکولہ کا سازشی جال - قسط:1

Fauladi - Karkola ka sazishi jaal

آپ کی پسندیدہ ویب سائیٹ پر پہلی مرتبہ سائینس فکشن کامکس قسط وار ملاحظہ فرمائیں۔ اردو ویب دنیا میں یہ شاید پہلا موقع ہے کہ سائینس فکشن پر مبنی کوئی کامکس پیش کی جا رہی ہو۔
اس کہانی کے لیے ہم ویب سائیٹ مشیر شمس عدنان علوی کے شکرگزار ہیں جن کے زریں رائے مشورے کے بعد سائینس فکشن کردار اور کامکس کا انتخاب عمل میں آیا۔
فولادی عرف فولاد اس سائینس فکشن کارٹونی کہانی کا مرکزی کردار ہے۔ فولادی کا تعارف آپ یہاں ضرور پڑھئے گا۔

'کارکولہ کا سازشی جال' نامی یہ کہانی ایک ایسے سائینس داں کی ہے جو غلط راہ پر چل نکلا تھا اور ساری دنیا کو اپنے قدموں میں جھکانے کے لیے اس نے اپنی صلاحیتوں کا منفی استعمال عمل میں لایا۔ مگر کیا وہ اپنی سازشی مہم میں کامیاب ہو سکا؟ فولادی اور اس کا معاون لمبو اس معرکہ میں کارکولہ نامی اس گمراہ سائینس داں سے کس طرح نبرد آزما ہوئے؟
تحیر ، تجسس اور فضائی مہم سے بھرپور اور جملہ 10 قسطوں پر پھیلی اس طویل کہانی میں یہ سب کچھ آپ خود ملاحظہ فرمائیں ۔۔۔


Go to Episode#
(1)
(2)
(3)
(4)
(5)

ٹرانسکرپٹ || ترجمہ : مکرم نیاز
کئی سال پہلے غائب ہو چکا نامور بین الاقوامی سائینسداں "کارکولہ" ایک دن اچانک منظر عام پر آیا
میں مستقبل کی دنیا کا حکمران "کارکولہ" دنیا بھر کے ممالک کو متنبہ کرتا ہوں میری طاقت کے آگے سرنگوں ہو جائیں اور میری تابعداری کو قبول کر لیں
دنیا بھر میں جاری ٹیلی وژن اور ریڈیو کے پروگرام اچانک رک گئے اور ۔۔۔
میں ابھی زندہ ہوں ! کبھی میری صلاحیتوں کی دنیا نے قدر نہیں کی لیکن اب میں دنیا کو ۔۔
کارکولہ کا پیغام سنائی دینے لگا
۔۔ اپنی چٹکی میں مسل سکتا ہوں ۔۔ پوری زمین کو تباہ و برباد کر سکتا ہوں!
شاید لاسلکی نظام میں کوئی خلل واقع ہو گیا ہے جو پروگرام اپنے آپ بند ہو گئے اور عجیب پیغام سنائی دے رہا ہے
یا خدا ! یہ کیسی آفت ہے؟ ۔۔۔ یا کسی چینل کا کوئی انوکھا پروگرام ہے؟
ابھی میں تم تمام کو سوچنے کا وقت دے رہا ہوں ۔۔ کل چوبیس گھنٹے ۔۔ اس کے بعد دیکھنا میں کس طرح اپنی طاقت کا مظاہرہ کروں گا!
کارکولہ کی تصویر غائب ہونے کے بعد ۔۔
ہم معذرت خواہ ہیں۔ کوئی پاگل سائینس داں تھا ، پولیس اس معاملے کی تفتیش میں مصروف ہے ۔۔ اب آپ کے پسندیدہ پروگرام پیش خدمت ہیں ۔۔
دنیا بھر میں لاسلکی روابط منقطع ہو گئے تھے ۔۔ دوبارہ جاری ہونے کے بعد ۔۔
مغربی ملک
مشرقی ملک
کیا آپ نے بھی کارکولہ کا پیغام سنا ؟
شاید پاگل ہو گیا ہے۔ دنیا نے تو سوچا تھا کہ کارکولہ مر گیا ۔۔ مگر اب یہ کیا؟
ایک طاقت ور مغربی ملک میں دنیا کے مختلف سربراہان مملکت جمع ہوئے
کارکولہ تو ہماری شمال مغربی ریاست کا باشندہ تھا
ہمیں متحد ہو کر اس کا مقابلہ کرنا ہوگا
مگر مصیبت تو سب پر یکساں طور سے ہے
کیا پتا کہ اس کی دھمکی کھوکھلی ہو؟
لگتا ہے جو کہا ہے وہ کر دکھائے گا
ہمیں بھی فکر نہیں ، ہمارے جاسوس اسے پکڑ لائیں گے
پوری دنیا کو وقت واحد میں چیلنج کرنا ۔۔ کوئی کھیل نہیں حضرات!
سر ! دنیا کی معروف خفیہ ایجنسیوں کی مدد سے اسے تلاش کیا جا سکتا ہے
نہیں ! پہلے ہمیں یہ دیکھنا ہے کہ چوبیس گھنٹوں بعد وہ کرے گا کیا؟
چوبیس گھنٹے بعد ۔۔
وقت ختم ہو چکا ۔۔۔ اب دیکھو سمندر کی لہریں کیا تماشا دکھاتی ہیں ۔۔
زمین ، آسمان ، سمندر ۔۔ سب کے سب میری دسترس میں ہیں۔ سمندری موجوں سے طوفان برپا کر سکتا ہوں اور سورج کی خوفناک تپش سے زمین کو راکھ کر دینا تو میرے بائیں ہاتھ کا کھیل ہے
پرسکون سمندر میں اچانک جوار بھاٹا اٹھا ۔۔۔
لگ بھگ چالیس فٹ اونچی لہریں تباہی مچاتی ہوئیں آگے بڑھنے لگیں
۔۔ اور پھر پورے شہر کو تباہ کر کے پاگل موجیں واپس لوٹ گئیں ۔۔
ہاہاہا ۔۔۔ اور اب سورج کی بھیانک تبش کو بھگتو گے ۔۔۔ ہاہاہا
ایک دوسرے شہر پر ۔۔
افف
گرمی
بھاگو ۔۔ آگ کا گولہ ۔۔ آگ ۔۔ بھاگو
دریاؤں کا پانی ابلنے لگا ۔۔۔
اور آخر میں اچانک آگ لگ گئی
کارکولہ کی منفی طاقت کے مظاہرے نے لگ بھگ پانچ لاکھ انسانی جانوں کا زیاں کیا ہے
اربوں ڈالر کے مالی نقصان کا اندازہ ہے۔ دنیا میں اس طرز کا ہنگامہ پہلی دفعہ ہوا ہے۔ پندرہ ملکوں نے خود کو کارکولہ کے حوالے کرتے ہوئے اسے اپنے مسیحا کے طور پر قبول کر لیا ہے!
جنوب مشرق کے ایک معروف ملک میں ڈاکٹر جان ، فولادی اور لمبو بھی کارکولہ کا پیغام سن رہے تھے ۔۔
میری تباہ کن قوت کا معمولی سا مظاہرہ تم سب نے دیکھ لیا۔ جن ملکوں نے میری سربراہی کو قبول کیا وہ پسماندہ ملک ہیں، اب ترقی یافتہ اور مضبوط ممالک کی باری ہے۔ میں چونکہ مستقبل کے اپنے تابعدار عوام کو ختم کرنا نہیں چاہتا اس لیے ۔۔۔
میں نے ایک ایسا جال تعمیر کیا ہے جس کے آخری سرے پر ایک ہیرا پوشیدہ ہے۔ اگر زمین کے کسی باشندے نے اس ہیرے کو حاصل کر لیا تو میں اپنی شکست قبول کر کے واپس اپنے آبائی جزیرے کو لوٹ جاؤں گا بصورت دیگر دنیا کو ہار مان کر مجھے بطور حکمران اعلیٰ قبول کرنا ہوگا !!
www.urdukidzcartoon.com - Urdu Kidz Cartoon comics website, educating urdu speaking kids / youngsters thru cartoon / comics strips and stories dubbed in urdu language.
Story-Subject : Conspiracy of Karkola (Karkola ka saazishi jaal) : Episode-1
Character : Fauladi

8 تبصرے:

  1. aijaz ali صاحب
    جلد ہی دوسری قسط پیش کی جائے گی۔ ہر چند کہ پہلی قسط کو پوسٹ ہوئے ایک سال سے اوپر کا عرصہ ہو چکا ہے۔ تاخیر کے لیے معذرت۔

    جواب دیںحذف کریں
  2. گمنام8/9/15 11:27

    please update karey 3 sall huhukey hai yaha pey apney wada bhi kya tha jalad update karney ka

    جواب دیںحذف کریں
  3. گمنام8/9/15 11:28

    jalad update karey 3 sall huchukey hai app ney jalad update karney ka wada bhi kya tha

    جواب دیںحذف کریں
  4. جی ہاں معذرت خواہ ہوں کہ وعدہ ایفا نہ ہو سکا۔ کوشش ہوگی کہ اسی ہفتہ نئی قسط لگا دی جائے ان شاءاللہ

    جواب دیںحذف کریں
    جوابات
    1. گمنام22/10/15 07:25

      Bhai ek hafta khey kar 2 mahiney set uper hogaya

      حذف کریں
  5. گمنام22/10/15 09:56

    Akhir app ka haft a kitney mahenu ka hai

    جواب دیںحذف کریں
  6. گمنام22/10/15 09:57

    App ka hafta kitney mahenu ka hai

    جواب دیںحذف کریں